Áburðaflutningar

Við viljum stuðla að sem hagkvæmustum flutningi á áburði til viðskiptavina okkar. Í því skyni aðstoðum við bændur við að fá tilboð í flutning áburðar heim á hlað. Sölumenn okkar gefa allar nánari upplýsingar.

 


 Dreifing á lausafóðri

DSCN1840.JPG2012-10-05-076.jpgGetAsset.jpg

Fóðurblandan á og rekur sjö sérútbúna fóðurbíla sem dreifa lausu fóðri. Auk fóðurbílanna rekur fyrirtækið flutningabíl með vagni sem sér um flutninga á fóðri í stórsekkjum sem og vöruflutninga í verslanir FB. Öflugt loftkerfi er notað til að dæla fóðri af bíl og í fóðurgeymslur viðskiptavina.

 

Fóðurbílar fyrirtækisins flytja laust fóður um stærsta hluta landsins og sekkjuðu fóðri er dreift um allt land.

 

Dreifing á lausu fóðri hefst með áfyllingu á bíla. Strangt eftirlit er haft með allri áfyllingu og því fóðri sem fer í dreifingu. Fóðursýni eru tekin úr hverri kúlu sem lestuð. Lokaskoðun á fóðrinu fer fram áður en því er ekið á brott.

 

Bílstjórar Fóðurblöndunnar hafa mikla reynslu af dreifingu fóðurs. Fóðurblandan sendir sína bílstjóra á námskeið í meðferð fóðurs.

 

Bílarnir eru allir sótthreinsaðir reglulega.


Bílafloti FB

Dreifikerfi mynd f.heimasíðu.jpg


Núverandi bílafloti FB er einn sá öflugasti sem fyrirtækið hefur átt hingað til. Flotinn samanstendur af 7 sérútbúnum fóðurflutningabílum, einum vörubíl og einum sendibíl.

 

Við val og hönnun á þeim búnaði sem er á fóðurbílunum er að mörgu að hyggja. Sá búnaður sem er á bílum FB hefur verið valin með það í huga að flytja fóðrið til viðskiptavina á sem hagkvæmasta og bestan hátt.

 

Þannig er þörfum viðskiptavinanna mætt með lægri aksturskostnaði. Gæði fóðursins eru varðveitt alla leið og stuttur dælutími auðveldar og eykur þægindin við afhendingu fóðurs. Aukin hagkvæmni skilar sér að lokum til viðskiptavinanna í formi lægra fóðursverðs.

 

Auk fóðurbíla hefur fyrirtækið yfir að ráða sex vögnum sem eru eins-tveggja eða þriggja kúlu vagnar. Manna á milli er talað um kúlur þegar rætt er um burðargetu flotans. Þannig er flutningsgetan ef miðað er við einn bíl með vagn 4 til 8 kúlur en hver kúla tekur 3 til 4 tonn af fóðri. Því er hægt  í einni ferð er að flytja 12 til 26 tonn af fóðri. Heildarburðargeta allra bílanna auk vagna er um 150 tonn af fóðri.

 

Eins og gefur að skilja er mikill akstur tengdur dreifingu fóðurs um allt land. Meðalakstur hvers fóðurbíls er um 75.000 km á ári og er flotanum því ekið um 600.000 km á hverju ári. Til gamans má geta þess að eknir kílómetrar samsvara tæplega 15 ferðum í kringum jörðina eða um 150 ferðum til London fram og til baka.