Samstarfssamningur undirritaður við DeLaval

 

Fréttatilkynning                                         24.nóvember 2009

 

– Undirritun samstarfssamnings Fóðurblöndunnar og DeLaval.

 

Fóðurblandan hf. og DeLaval A/S hafa nú undirritað samsstarfssamning sín í milli um sölu og þjónustu á vörum þess síðarnefnda á Íslandi.  Er samningur þessi undirritaður í framhaldi af viljayfirlýsingu sem gerð var milli aðilanna þann 26. október síðastliðinn.  Hefur samningur þessi þegar öðlast gildi.

Fóðurblandan hf. mun í framhaldinu leitast við að tryggja að þjónusta við DeLaval mjaltakerfi og mjaltaþjóna verði sem best.

 

 

Allar helstu þjónustu og rekstrarvörur DeLaval fást í verslunum Fóðurblöndunnar í Reykjavík - Selfossi – Hvolsvelli og Egilsstöðum.  Einnig fást DeLaval vörur hjá Bústólpa á Akureyri, Versluninni Eyri Sauðárkróki og Verslun KB í Borgarnesi.

Allar nánari upplýsingar eru góðfúslega veittar á skrifstofu Fóðurblöndunnar hf. sem opin er alla virka daga frá 8-16.  Sími 570-9800 / eða á tölvupóstinum petur@fodur.is


DeLaval er hluti af Tetra Laval samsteypunni.  DeLaval framleiðir og selur - undir eigin nafni - hágæða vörur og heildarlausnir til vélvæðingar búfjárræktar.  DeLaval hefur 125 ára reynslu innan landbúnaðargeirans og er leiðandi fyrirtæki um heim allan við framleiðslu á mjaltabúnaði, jafnt handvirkum sem mjaltaþjónum, og býður að auki upp á ýmsar aðrar tæknilausnir til búfjárræktar.  Tetra Laval samsteypan hefur meira en 4.000 starfsmenn á sínum vegum í yfir 100 löndum.


Fóðurblandan hf. var stofnuð árið 1960 og hefur um áratugaskeið verið leiðandi fyrirtæki í framleiðslu og sölu á kjarnfóðri fyrir íslenskt búfé. Á síðustu árum hefur fyrirtækið fært út kvíarnar og flytur nú einnig inn ýmsar rekstrarvörur fyrir landbúnað, og auk þess áburð sem er seldur undir merkjum Áburðarverksmiðjunnar.



Á myndinni sjást frá vinstri Knut Ree framkvæmdastjóri DeLaval í Noregi, Kristina Berntsson framkvæmdastjóri DeLaval í Norður Evrópu og Eyjólfur Sigurðsson framkvæmdastjóri Fóðurblöndunnar.