Hrútaskráin komin á vefinn

Nú styttist óðfluga í útgáfu hrútaskráarinnar en hún er farin í prentun og er væntanleg í lok vikunnar. Fyrir þá sem eru orðnir viðþolslausir að berja augum upplýsingar um þá hrúta sem verða á sauðfjársæðingastöðvunum í vetur hefur skráin verið birt hér á vefnum í pdf-skjali eins og venja er. Í skráni eru upplýsingar um samtals 45 kynbótahrúta ásamt tölulegum upplýsingum um árangur sæðinga og greina um afkvæmarannsóknir sæðingastöðvanna í haust og litaerfðir sauðfjár.

 SMELLIÐ HÉR til að lesa Hrútaskránna 2015 - 2016

Hrútaskráin fer til dreifingar strax að lokinni prentun og verður dreift á hefðbundinn hátt, einkum og sér í lagi á svkölluðum hrútafundum sem haldnir verða um land allt dagana 23.-26. nóvember nk. Sauðfjársæðingavertíðin hefst svo á jólaföstunni en útsending sæðis frá sauðfjársæðingastöðvunum hefst 1. desember n.k. og mun standa til 21. desember eða samfleytt í þrjár vikur.

Tekið af vef Ráðgjafamiðstöðvar Landbúnaðarins www.rml.is